-- ADVERTISEMENT --
BACOLOD CITY — Siyam ka mga balay ang totally-burned samtang tatlo naman ang partially-burned sa sunog nga nagluntad sa Purok Pinanubol, Barangay 6, ciudad sang Victorias, Huwebes sang hapon.
Suno kay Barangay Kagawad Rammy Delarma, nagsugod ang kalayo sa balay ni Elvie Esparagosa kag naglaton sa kaiping nga mga balay apang ginahibalo pa kun ano ang ginhalinan sang kalayo.
Tatlo tanan ka mga firetrucks ang nagresponde sa lugar kun sa diin gin-utod nalang sang mga pumuluyo ang linya sang Victorias City Water District agud nga makabulig sa pagpalong sang kalayo.
Nagpasalamat naman ang barangay kagawad sa madasig nga pagresponde sang mga bombero kag sa kooperasyon sang mga pumuluyo amo gani nga gilayon napalong ang sunog.
