Tinutuyo sang Pilipinas nga mapromote ang kalinong kag stabilidad nga wala nagasakripisyo sang sovereign rights kag soberenya sang Pilipinas.
Ini ang ginpahayag ni Department of Foreign Affairs (DFA) Secretary Enrique Manalo isa ka adlaw matapos gin-anunsyar nga ang DFA nga sila ang nagahimo sang tikang agud makapatigayon sang paghinun-anon sa China natuhoy sa incursion nga nagakatabo sa West Philippine Sea.
Una na nga ginpahayag ni Manalo nga nagahimo sang tikang ang DFA agud maconvene ang Philippines-China Bilateral Consultation Mechanism (BCM) agud makatukod sang “confidence-building measures” nga makahimo sang basehan para sa mas seryoso nga diskusyon.
Suno pa diri, sila ang nakapadala naman sang isa ka note verbale kay Chinese Ambassador Huang Xilian.
Ang Pilipinas ang makapila ka beses na nga nagpadala sang notes verbale kag diplomatic protests sa China agud icall-out ang illegal incursions kag delikado nga mga tikang sa West Philippine Sea apang nagapadayon ang Beijing sa pagpangharass sa mga Filipino nga manugpangisda nga naga-operar sa exclusive economic zone sang pungsod.
Sang Miyerkules, ginpahayag man sang Philippine Coast Guard nga sila ang preparado nga magpatigayon sang paghinun-anon sa ila counterparts nagikan sa China agud diskusyunan ang nagapadayon nga aggression sang Chinese Coast Guard batok sa mga barko sang Pilipinas sa West Philippine Sea.
