Nagpanumpa ang masobra 200 ka mga bag-o nga miyembro sang Partido Federal ng Pilipinas.
Ginpangunahan ni PFP National President kag South Cotabato Governor Reynaldo Tamayo Jr ang pagpanumpa sang mga bag-o nga miyembro.
Suno kay Tamayo Jr, maayo ang nangin resulta sang ginpatigayon nga oathtaking ceremony kahapon.
Pahayag sini nga makita gid ang suporta sang mga lokal nga opisyales.
Suno diri, nagtambong sa oathtaking ceremony si Technical Education and Skills Development Authority (TESDA) director general Francisco “Kiko” Benitez, Victorias City Mayor Javi Benitez kag si Negros Occidental Governor Eugenio Jose “Bong” Lacson kag ang mga bag-o nga nagsulod sa Partido Federal ng Pilipinas.
Ginpahayag man sini nga matuod nga super majority sang mga lokal nga opisyal sang Negros Island Region (NIR) ang nag-upod na sa nasambit nga partido.
Suno diri, masobra 200 ang nagpanumpa nga mga bag-o nga miyembro halin sa Negros Occidental, Negros Oriental kag Siquijor kasubong man ang nagikan sa Bohol.
Suno pa kay Tamayo nga wala sila nagapadamo kundi nagakuha sila sang miyembro nga makasarangan nga ikabuhi ang tanan nga prinsipyo sang partido.
Kabahin man sang miyembro sang PFP ang duha ka mga gobernador nga sanday Negros Oriental Governor Manuel “Chaco” Sagarbarria kag Siquijor Governor Jake Vincent Villa.
