Napasakaan na sang kaso ang suspek sa pagpatay sa babayi nga call center agent nga nasapwan nga wala na sang kabuhi kag wala na sang pang-idalom nga panapton sa higad sang dalan sa Hacienda Nilo Lizarez, Brgy., Matab-ang ciudad sang Talisay, Negros Occidental sang Enero 12, sang aga.
Ang biktima ang ginkilala nga si Carl Kimberly Degabi, 31-anyos.
Suno sa kahagugma ni Degabi, nag-away sila nga duha ni Degabi kag masami ini nga nagalakat amo nga nagpati lamang sila nga magapauli ini.
Nahibaluan naman nga nagsakay si Degabi sa isa ka taxi kag ang taxi ang nakita nga gin-abandona lang kun sa diin may yara sang mga nakit-an nga gamit ni Degabi sa sulod sang salakyan.
Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, napasakaan na sang kaso nga rape with homicide ang suspek.
