Ginkanselar sang airport management sa United Arab Emirates (UAE) ang pila sa mga flights matapos ang mga pagbaha dala sang madamol nga mga pag-ulan sa sulod na sang pila ka bulan.
May yara sang 13 ka flights sang Emirates Airline ang nakanselar kahapon kag may-ara man sang delays sa airport sang Sharjah.
Suno sa report, ang dalan sang Sharjah ang ginbaha kag pila ka mga pumuluyo ang naga-ubog na lamang sa tubig.
Madumduman nga sang nakaligad nga Abril 2024, ginkanselar ang 2,000 ka mga flights sa international airport sang Dubai matapos ang malapad nga pagbaha sa lugar.
Sang Huwebes, gin-abiso sang Dubai police nga magpabilin ang mga pumuluyo sa sulod sang ila nga mga panimalay samtang nagapalapit ang bagyo nga may dala nga madamol nga ulan.
Samtang, ang iban nga mga estado sa Gulf ang nakaeksperyensya man sang mabaskog nga ulan lakip na ang Qatar kun sa diin ginkanselar sang Huwebes ang third-place play-off sang Arab Cup football sa tunga sang Saudi Arabia kag UAE.
