Madamo ang nagkalamatay kag napilasan sa isa ka insidente sang pagpamuno sa isa ka festival sa ciudad sang Solingen sa Germany.
Santo sa report, ginbuno sang lalaki ang mga nagalinabay sa festival kapin alas 9:45 sang gab-i kag indi magnubo sa tatlo ka mga persona ang nagkalamatay samtang madamo naman ang pilason.
Ang suspetsado ang isa ka 26-anyos nga Syrian national.
Ginkumpirmar sang alkalde sang ciudad nga may mga nagkalamatay kag napilasan bangud sa pagpang-atake apang wala na ini naghatag pa sang dugang nga detalye.
Suno sa kapulisan, ang pagpang-atake ang natabo sa isa ka festival agud maghatag sang honor sa ika-650 nga anibersaryo sang banwa.
Ang pagpang-atake ang natabo sa Fronhof suno sa statement sang alkalde, isa ka market square kun sa diin nagatukar ang mga live bands.
