Indi pa maka-operar ang third party towing services sa ciudad sang Bacolod bangod wala pa makasumiter sang renewal sang Memorandum of Agreement sa Sangguniang Panlungsod.
Sa interview sang Bombo Radyo Bacolod kay Councilor Al Victor Espino, chairperson sang Committee on Laws and Ordinances sa Sangguniang Panlungsod, gin-athag sini nga wala sang exclusivity sa kontrata sang Bacolod City sa Metro Towing Services Incorporated.
Suno diri, wala na nagkinahanglan pa sang bidding process bangod wala man sang iban nga nag-apply para sa towing service sang ciudad sang sila ang nagpangayo sang accreditation requirement.
Nahibaluan nga nag-expire na ang kontrata sang Metro Towing Services sang Disyembre 31, 2024, gani sila ang na-untat naman sa operasyon.
Suno kay Espino, kinahanglan nga reviewhon ang kaunan sang kontrata sang tinalikdan, kag nagalaom ini nga matalakay sa session sa masunod nga semana.
Nagapati ang konsehal nga indi na kinahanglan sang public hearing, kag ang importante amo nga may-ara sang implementasyon.
Suno diri sa kontrata, ang Towing services ang dapat may kaupod nga clamping, kag may impounding area.
Panindugan sini nga wala pulos ang towing services kun wala anay nakapatigayon sang clamping kag mahambal nga epektibo ang kontrata.
