Alas-5:00 subong nga aga, napabilin pa sang Tropical Depression ‘GENER’ ang kabaskugon sini samtang nagahulag padulong sa nakatungdan nga dereksyon sa kadagatan sang Northern Luzon sa kadasigon nga 30 km/h.
Ang sentro ang bagyo ang ulihi nga nasiplatan sa vicinity sang Alicia, Isabela.
Ini ang nagadala sang hangin nga nagadangat sa 55 km/h malapit sa sentro kag pagmadlos nga tubtob 70 km/h.
Ginpaidalom naman sa Tropical Cyclone Wind Signal no. 1 ang Cagayan kalakip na ang Babuyan Islands; Isabela; Quirino; Nueva Vizcaya; Apayao; Kalinga; Abra; Ifugao; Mountain Province; Benguet; Ilocos Norte; Ilocos Sur; La Union; Pangasinan; Zambales; Tarlac; Nueva Ecija; Pampanga; Bulacan; northern kag central portions sang Bataan; Aurora; naaminhan nga bahin sang Quezon; kag naaminhan nga bahin sang Metro Manila.
Sa pihak nga bahin ang Tropical Storm ‘PULASAN’ ang ulihi naman nga nasiplatan sa 1,980 km east sang Central Luzon sa gwa sang Philippine Area of Responsibility.
Ini ang nagadala sang hangin nga nagdangat sa 65 km/h malapit sa sentro kag pagmadlos nga tubtob 80 km/h samtang nagahulag padulong sa north northwestward nga dereksyon sa kadasigon nga 15 km/h.
Bangod sa ginpabaskog nga Southwest Monsoon ukon Hangin Habagat tuga sang Bagyo Gener kag Pulasan, lauman ang mabaskog nga hangin kag ulan sa Batanes, MIMAROPA, Bicol Region, Visayas, kag Mindanao.
Makusog man ang mga pag-ulan nga mabatyagan sa Palawan, Occidental Mindoro, Aklan, Antique, kag Negros Occidental bangod sa ginpabaskog nga Habagat.
Ang Bagyo Gener ang ginalauman nga magadangat sa coastal waters sang Ilocos Sur ukon La Union subong nga adlaw.
Ini ang sunod nga magahulag sa nakatungdan nga dereksyon padulong sa West Philippine Sea tubtob na sa Huwebes, kag sunod nga magaliko sa west nortwestward nga dereksyon padulong sa Southern China.
Ang Bagyo Gener ang ginalantaw nga maggwa sa Philippine Area of Responsibility karun sa gab-i ukon bwas sa aga.
