Ginkalipay sang United Sugar Producers Federation (UNIFED) nga wala sang importasyon sang kalamay subong nga milling season.
Gindelay sang gobyerno ang sugar importation tubtob sa bulan sang Mayo sa masunod nga tuig sa karun nga suficient pa ang supply sang kalamay sa pungsod.
Ini ang ginkasugtan nanday Agriculture Secretary Francisco Tiu Laurel Jr. kag Sugar Regulatory Administration (SRA) Administrator Pablo Luis Azcona.
Sa interview sang Bombo Radyo kay Manuel Lamata, presidente sang UNIFED, kumporme ini sa desisyon nga ipaiway ang sugar importation agud nga mangin maayo ang baklanay sa lokal nga produksyon.
Nagpasalig ini nga wala sang kakulangan sa supply sang kalamay tubtob sa katapusan sang tuig bisan pa sa tion sang holidays.
Sa karun ang presyo sang refined sugar ang yara sa P70 tubtob P75 per kilo samtang ang brown sugar naman ang yara sa P55 tubtob P60 kada kilo.
