Ginpahayag ni US President Donald Trump nga madamo sa mga nabilin nga preso sa Gaza ang posible napatay na.
Sa interview sang US President sa iya Oval Office, ginpahayag sini nga posible bag-o lang napatay ang iban sa mga priso, base sa iya impormasyon.
Sa pihak sini, ginpahayag sini nga ang Amerika nagapadayon sang ila madalom nga negosasyon sa Hamas.
Ginhingyo man ni Trump ang Hamas nga buy-an ang tanan nga hostage apang suno sa iya, kun indi mabuy-an ang mga hostage, mangin mabudlay kag indi maayo ang sitwasyon.
Sa karun, 47 sa 251 ka mga bihag sang Hamas nga gin-hold halin sang ginsalakay sang grupo ang Israel sang Oktubre 7, 2023, ang nagapabilin sa Gaza.
Apang, suno sa Israeli military, 25 sa mga nabilin nga hostages ang napatay kag ginatinguhaan nga mapauli ang ila mga bangkay.
