Liwat nga nagbalik sa pagpangampanya si US President Joe Biden kahapon bilang pagpakita nga luyag sini masalbar ang iya reelection bid kadungan sang pagkitaay sang mga senior Democrats agud diskusyunan ang nagasanyog nga mga panawagan nga magpaiway na lamang ini.
Ang 81-anyos nga Democrat ang nagpadulong sa isa ka Black church sa Philadelphia antes ini maghost sang NATO leaders summit sa Washington subong nga semana.
Siya ang nagakampanya apisar sang nagasaka nga pressure kag mga panawagan nga siya ang magdrop out matapos ang nangin impact sang debate sini batok kay former US President Donald Trump nga gintunaan sang panic natuhoy sa iya edad kag fitness nga magserbi sang dugang nga apat ka tuig.
Apang nagapabilin nga defiant si Biden kag nagapanindugan nga siya ang fit nga magserbi kag siya lamang ang makalutos kay Trump gani siya ang magapabilin sa race.
