Ginpahayag ni U.S. Vice President JD Vance nga may indi paghangpanay sa tunga sang Iran kag Estados Unidos natuhoy sa ceasefire agreement.
Suno kay Vance, nagapati ang Iran nga lakip ang Lebanon sa agreement apang ginpanginwala ini ni Vice President Vance kag ginkumpirmar nga wala nagsugot ang U.S. sa amo nga termino.
Nagapati si Vance nga wala naintiedehan sang Iran ang kaundan sang kasugtanan.
Suno diri, ang ginapasulabi sa deal amo ang Iran kag U.S. allies lakip ang Israel kag mga Gulf Arab states nga nagapamatuk sa komento sang Pakistani Prime Minister nga si Shehbaz Sharif nga nagapati nga lakip ang Lebanon sa ceasefire deal.
Samtang, ginkumpirmar man ni Vance nga nagsugot na ang Israel nga magpugong anay sa pag-atake sa Lebanon apang wala ini naghatag pa sang dugang nga detalye natuhoy diri.
