Ginpahayag sang Philippine National Police nga nakabaton ini sang reports sang 41 ka mga validated election-related incidents nationwide humalin sang nagsugod ang election period sang Enero.
As of Thursday, ginpahayag sang PNP nga 26 sa nasambit nga mga insidente ang “violent” kag 15 ang “non-violent.”
Kalabanan sa mga validated violent election-related incidents ang nareport sa Bangsamoro Autonomous Region in Muslim Mindanao (BARMM) nga may walo, ginsundan sang Cordillera Administrative Region (CAR) nga may pito.
Tatlo ka mga validated violent election-related incidents ang namonitor sa Zamboanga Peninsula kag duha sa Cagayan Valley.
Samtang tag isa ka validated violent election-related incident ang nareport sa Ilocos Region, Central Luzon, Bicol, Eastern Visayas, Davao Region, kag Soccsksargen.
Suno sa PNP, kabug-usan nga 2,940 individuals ang naaresto bangud sa pagbayolar sang election gun ban.
