Ginpahayag ni COA Intelligence and Confidential Funds Audit Office (COA-ICFAO) auditor Xylene del Campo nga si Vice President Sara Duterte ang isa sa mga opisyal nga may salabton sa P73 million nga disallowed transactions angot sa confidential funds sang Office of the Vice President.
Suno kay Del Campo, si Duterte ang nag-arpubar sa mga transaksyon kag paggamit sang cash advance nga sakop sa nasambit nga pondo.
Nalakip man sa ginakabig nga accountable officials sanday Special Disbursing Officer Gina Acosta kag Chief Accountant Julieta Villadelrey.
Ini bangod si Acosta ang nagserbe nga payee kag nagdisburse sang cash advance samtang si Villadelrey ang nagcertify nga kompleto kag husto ang mga supporting documents.
Ang P73 million ang kabahin sang confidential fund transactions sang Office of the Vice President nga wala gintugutan sang Commission on Audit.
