Gintawag ni Vice President Sara Duterte nga “fishing expedition” ang mga bag-o nga criminal case nga ginpasaka batok sa iya may kaangtanan sa gina-alegar nga P612 million confidential funds halin sa Office of the Vice President (OVP) kag sa Department of Education (DepEd).
Suno kay VP Sara, ang mga nagpasaka sang kaso ang nagatinguha nga i-weaponize ang mga akusasyon agud nga mapakita nga may legal nga basehan ang imbestigasyon.
Madumduman nga kabahin sa mga nagpasaka sang kaso amo ang mga lider sang civic society, mga grupo sang simbahan, kag mga anti-corruption advocate.
Gin-akusahan si VP Sara sang plunder, bribery, malversation kag graft matapos ang alegasyon sang pag-divert, sayop nga paggamit kag pagtago sang mga pondo.
Ginpahayag sang Bise Presidente nga ang mga bag-o nga kaso ang kabahin sang pamulitika agud nga siya ang i-discredit kag ang matuod gid nga tuyo amo nga matabunan ang mga isyu nga plunder sang gobyerno.
