Naka-abot na ala-1:10 kaina sang kaagahon sa Manila si dismissed Bamban, Tarlac Mayor Alice Guo.
Madumduman nga ini ang nadakpan sa isa ka hotel sa Tangerang City, sa Jakarta, Indonesia. Kahapon, ginturn-over sang Indonesian Authority si Guo kanday Department of the Interior and Local Government (DILG) Secretary Benjamin ‘Benhur’ Abalos kag Philippine National Police (PNP) Chief Police Gen.
Rommel Marbil nga nagfacilitate sa pagpapauli sang anay alkalde. Ginpahayag naman ni Guo nga siya ang nagpalagyo sa iban nga pungsod bangod ini ang nakabatun sang death threat.
Ang alkalde ang makustodiya sa Senado, nga nagcite in contempt sa iya bangod sa indi pagtambong kag indi klaro nga mga sabat sa Senate hearing.
Ginalauman naman nga ini ang maga-atubang na sa Senate Hearing may kaangtanan sa imbestigasyon sa gina-alegar kaangtanan sini sa Philippine Offshore Gaming Operators (POGOs) nga ginraid sa Bamban, nga linked sa human trafficking, money laundering kag tax evasion.
