Nagtakop na subong nga hapon ang Palarong Pambansa 2019 nga ginpatigayon sa Davao City.
Isa ka seremonya ang ginpatigayon agud pormal nga itakop ang Palaro kun sa diin nagtambong ang mga opisyales sang Davao City kag sang Department of Education.
Pormal man nga ginpasa sa Occidental Mindoro ang hosting sang Palarong Pambansa 2020 matapos sila nga magdaog sa bidding.
Sa ika-15 ka sunod-sunod nga tuig, gindeklarar ang National Capital Region nga kampeon matapos makakuha sang 86 golds, 71 silver, kag 56 bronze; samtang nag-pangaduha naman ang Calabarzon -Region 4A nga may 66 golds, 49 silver, kag 73 bronze; kag naga-pangatlo ang Western Visayas – Region VI nga 49 golds, 40 silver, kag 58 bronze; nag-pangapat naman ang Soccsksargen nga may 26 golds, 43 silver, kag 40 bronze.
Ini na ang ikaanom nga sunod-sunod nga tuig nga nagpangatlo ang Western Visayas sa pinakadako nga sporting event sang DepEd humalin sang tuig 2014.
Sang tuig 2011 tubtub 2014, nagapangaduha pa ang Region 6 sa medal standing apang humalin sang tuig 2014, naagaw sang CALABARZON ang ikaduha nga pwesto sa Palarong Pambansa kag ila nga napabilin tubtub subong.
Date of airing: May 4, 2019
