Madamo pa sang medalya nga nagahulat sa mga atleta nga nagahampang sa Palarong Pambansa 2024 nga ginapatigayon sa karun sa Cebu City.
Sa interview sang Bombo Radyo Bacolod kay Hernani Escullar, public information officer sang Department of Education-Western Visayas, sa karun nagapanguna ang Region IV-A ukon Calabarzon, nagapangaduha ang National Capital Region kag nagapanglima ang Western Visayas nga may 10 gold; 8 silver kag 13 nga Bronze.
Suno kay Escullar, madamo pa sang mga medalya nga nabilin bangud ang nakuha palang ang masobra sa 14 percent sa kabug-usan nga medalya.
Suno diri, madamo sang mga hampang ang natalana subong nga adlaw kag ginalauman nga madamo pa sang medalya ang magadugang sa tally sang Western Visayas.
Ginpasiguro man ni Escullar nga safe ang mga atleta kasubong nga nahatag ang mga kinahanglan sang mga ini.
Samtang padayun man ang pagkoordinar nila sa local health representative sang Cebu kag sila ang may-ara man sang clinic nga may 24 oras nga on-standby nga doktor agud maghatag sang nagakaigo nga medical treatment.
Kun kinahanglan naman nga dal-on sa ospital, may-ara man sang natalana nga referral hospital.
