Ginsentensyahan sang siyam ka bulan nga pagkapreso ang American rapper kag “Young, Wild & Free” singer nga si Wiz Khalifa bangod sa drug possession.
Gindagdag ang sintensya sang Disyembre 18 matapos ini maaktohan sang kapulisan nga nagagamit sang marijuana sa stage sa Beach, Please! Festival sang Hulyo 2024.
Santo sa report, ang rapper nga si Cameron Jibril Thomaz, nakuhaan sang masobra 18 ka gramos sang marijuana kag nag-usar ini samtang nagaperform sa atubang sang audience.
Matapos ang insidente, nagpagwa sang statement si Khalifa, kun sa diin ginpahayag sini nga wala ini sang intensyon nga bastoson ang pungsod sang Romania.
Nakaligad lamang nga inadlaw, nagperform si Khalifa kaupod ang rapper nga si Gunna sa California.
Sang Disyembre 18, kun san-o ini ginsentensyahan, nag-upload ini sang pictures kag videos samtang yara sa iya balay.
Kilala si Khalifa sa mga kanta sini nga “Black and Yellow,” “See You Again,” kag “Young, Wild & Free”.// Ulihi ini nga nagbisita sa Pilipinas sang 2016 para sa Paradise International Music Festival sa Parañaque.
