Nakuhaan sang masobra P6 million nga balor sang suspected shabu ang isa ka 20 anyos nga lalaki sa ginpatigayon nga buybust operation sa Purok United Roadside, Barangay Tangub, Bacolod City subong nga gab-i.
Ang operasyon ang ginpatigayon sang Bacolod Police Station 8 Station Drug Enforcement Team nga ginpangunahan ni Police Captain Greeky Cayao, Officer in Charge sang Bacolod Police Station 8 kag katapo sang RPDEU6 and CDEU.
Ginkilala ang nadakpan kay Kyle Andre Ma-alat, 20 anyos, lalaki, single ang temporaryo nga nagapuyo sa Purok United Roadside, Brgy. Tangub, Bacolod City kag residente sang Brgy. Mambulak, Zone 1 Centro, Silay City, Negros Occidental.
Narecover sa subject person ang 1000 grams ukon isa ka kilo nga suspected shabu kag may balor nga P6,800,000.00
