Padayon nga ginadapatan sang pagbulong sa Teresita Lopez Jalandoni Provincial Hospital ang 11 anyos nga dalagita matapos makaangkon sang madamo nga samad bangud sa gin-alegar nga ginkastigo sang iya mismo nga iloy kag sang ka live-in.
Sa interview sang Bombo Radyo Bacolod kay Dr. Vicente “Itik” Ituriaga, ang bata ang gindala sa nasambit nga ospital sang nagbulig diri nga katapo sang Department of Social Welfare and Development (DSWD) sa ciudad sang Talisay.
Suno kay Ituriaga, ginpaidalom na ang bata sa X-ray bangud sa madamo nga samad agud nga matsekyar kun ini ang may fracture.
Ginpahayag man sang doctor nga gindala na sa pediatric ward sang ospital ang bata matapos nga ini ang nahatagan na sang mga bulong kag gin-admit.
Suno diri, santo sang alegasyon sang bata nga ginsugo siya sang iya iloy kag sang ka live in sini nga magsag-ob apang wala na sini masarangan nga mabuta ang ginapasag-uban sa iya gani ginkastigo siya sang duha.
Nakita nga may lagob sa mata ang bata bangud suno sa biktima nga ginsumbag sang iya iloy samtang may yara man sang gisi ang bibig nga kahimuan man mismo sang iloy.
Gintago pa ini sa isa ka ginapahayag nga septic tank apang nakatigayon ini nga maka gwa kag makapangayo sang bulig.
Pahayag ni Ituriaga nga sa pagbanta sini indi lang kaisa ginkastigo ang bata kag ginalantaw man nga nagagamit sang illegal nga druga ang duha.
Sa karun, nadakpan naman sang mga otoridad ang mga suspek kag ginbilin gid sini sa DSWD personnel nga magpasaka sang kaso batok sa duha bangud wala ang mga ini nagakabagay nga mag-upod sa sosyodad nga malinong kag matawhay.
