Duha ang patay samtang 28 naman ang pilason sa mass shooting sa isa ka housing block sa ciudad sang Baltimore sa Maryland, Estados Unidos.
Pahayag sang police department sa nasambitan nga syudad nga tatlo sa mga nasamaran ang yara sa kritikal nga kondisyon matapos magluntad ang pagpangluthang sa 800 block, Gretna Avenue, sa Brooklyn, Baltimore.
Isa ka 18 anyos nga babayi kag 20 anyos nga lalaki ang gindeklarar nga dead on arrival pagdangat sang mga ini sa lokal nga ospital.
Siyam ka mga persona ang ginbyahe naman gikan sa scene kag gin-admit sa mga lokal nga ospital, samtang ang 20 ka iban pa nga biktima ang personal nga nagdangop sa ospital para sa pagpabulong.
19 ka mga pasyente ang nag-abot sa emergency department sang Medstar Harbor Hospital kahapon sang aga, kag ang mga ini ang nagsuprer sang nanarisari nga degree sang samad tuga sang igo sang bala.
Dugang pa sang ospital nga nastabilize na ang siyam ka mga kritikal ang samad nga mga pasyente kag gintransfer sa Baltimore trauma centers, samtang ang iban pa magluwas sa isa ang ginpahanugutan na nga makapauli.
Santo sa police department, alas-12:35 sang kaagahon sa America ukon alas-12:35 sang udto sa Pilipinas sang ginrespondehan sang mga kapulisan ang reported nga shooting incident sa 800 block sa Gretna Court.
