Nasapwan nga wala sang kabuhi ang 27 anyos nga lalaki matapos ginluthang sa sulod sang iya balay sa Purok Roma, Brgy Singcang Airport, Bacolod City, kaina sang kaagahon.
Sa interview sang Bombo Radyo kay Rolando Ermeo Sr, kagab-i nanyapon sa ila balay ang bata sini nga si Rolando Ermeo Jr kag pagkatapos naglisensya nga magtulog sa isa nila ka balay nga yara lamang sa pihak nga bangga.
Apang, pagkasunod nga aga, alas- 5:30 sang kaagahon tuyo kuntani sini nga pukawon ang iya bata para magtrabaho na apang ini ang wala na sang kabuhi samtang nagahigda pa.
Nakita sini nga may yara sang igo sang pagpangluthang ang iya bata sa nawala nga mata.
Pahayag sang amay, nahibaluan lang sini nga sadto may naka-away ang iya bata apang wala man ini nagbato.
Samtang, ginpahayag naman sang manghod sang biktima nga may bisyo ang iya magulang sa paggamit sang illegal nga druga.
Suno kay John Francis Ermeo, wala sang kontra ang iya magulang nga si Rolando Ermeo Jr kag siya ang pamilyado na.
May apat ini ka kabataan samtang masami naman sila mag-away sang iya live-in partner.
Pahayag sini, nagakatulog ang iya magulang sang may nagluthang sa iya bangod kaangay nga nakibot ang plastada sini sang ila nasapwan nga wala na sang kabuhi.
Nagapangayo sang hustisya ang pamilya nga matumod ang suspek sa pagpatay.
