while conducting combat operations, troops of 79th Infantry Battalion encountered more or less 30 terrorist NPAs at Sitio Puting Tubig , Brgy Minautok, Calatrava, Negros Occidental at about 05:30 AM, May 15, 2019
Photo: 303rd Infantry Brigade facebook page
Yara na sa estable nga kondisyon ang tatlo ka mga suldado nga napilasan kasunod sang engkwentro batok sa New People’s Army sa banwa sang Calatrava, kaina sang kaagahon.
Suno kay 303rd Infantry Brigade commander Brigadier General Benedict Arevalo, nagapatigayon sang combat operation ang mga miyembro sang 79th Infantry Battalion sang sila ang nakabaton sang impormasyon nga may presensya sang armado nga mga lalaki sa Sitio Puting Tubig, Barangay Minautok gani nagresponde sa lugar ang mga suldado kag nagluntad ang engkwentro, alas-5:30 sang kaagahon.
Nagdugay sang ginabanta isa ka oras ang encounter bangud naglagsanay pa ang mga suldado kag ginabanta 30 ka NPA members.
Duha ka mga suldado ang napilasan sa butkon samtang isa naman ang napilasan sa ilok apang yara na sa estable nga kondisyon.
Nakit-an man sang mga suldado ang tinulo sang dugo sa batuhon nga bahin sang lugar nga ginhukmungan sang komunista nga grupo apang ginatumod pa kun may napilasan ukon may napatay sa ila.
Narekober sa mga ini ang pila ka cellphone, personal nga kagamitan kag pagkaon sang mga rebelde.
Suno sa Army official, miyembro sang North Negros Front ang naengkwentro nila sa Calatrava.
Nagpanawagan man ini sa mga napilasan nga magsungka sa mga suldado bangud buligan sila sa pagpabulong.
Liwat man ini nga nag-apela sa komunista nga grupo nga magbalik sa sabak sang gobyerno agud makapangabuhi sang normal.
Date of airing: May 15, 2019
