42 anyos nga babayi napatay bangud sa dengue sa ciudad sang Bacolod.
Ang napatay ang residente sang Barangay Mansilingan, Bacolod City kag ini ang ikaduha nga narecord nga napatay bangud sa nasambit nga balatian.
Sa interview sang Bombo Radyo Bacolod kay Dr. Grace Tan, head sang Environmental Sanitation Division sang City Health Office, ang biktima ang gindala sa ospital apang sa pareho nga adlaw ang napatay man bangud suno sa report may yara sang bleeding.
Sa data nga ginpagwa sang City Health Office ang may mga pinakamadamo nga kaso sang dengue ang ginalakipan sang Brgy. Mansilingan 26 cases, Barangay Estefania nga may 24 cases, Barangay Tangub 24, Barangay Taculing 23, Barangay Alijis,Villamonte nga may tag 21, Mandalagan 17, Handumanan 16, Sincang 15 kag Vista Alegre nga may 14.
Suno kay Tan ang kaso sang dengue sa karun nga period ang 155.1 percent higher kun ikumparar sang tinalikdan nga tuig.
Nagpanugyan si Tan nga ipabilin sagihapon ang katinlo sa palibot agud nga wala sang magatinir nga lamok agud malikawan ang dengue.
