(updated)BACOLOD CITY-Patay ang lima katawo samtang isa ang pilason sa pagkahulog sang truck nga may karga nga mga baboy sa Zamboanguita, Negros Oriental.
Sa nakuha nga impormasyon sang Bombo Radyo Bacolod, ginamaneho ang truck sang mismo tag-iya nga si Roberto Olivar, 70-anyos kag residente sang Catiao-Tiao, Tanjay City, Negros Oriental.
Gina-usoy sang truck ang south to north direction sa national highway sang wala nagkagat ang preno sini kag nagbunggo sa railings sa dalan nga nagresulta sa pagkahulog sini sa pil-as sa Upper Mayabon, Zamboanguita, alas-12:15 kahapon sang udto.
Sakay sang truck ang asawa sang driver nga si Nenita, kag apat ka iban pa nga sanday Tito Ramirez, 55, kag Rusty James Rafael Sumaway, 24, sang Tanjay, Negros Oriental; Jason Cadellena sang Brgy. Sapinitan, Ayungon, kag Edgardo “Momoy” Ramirez, kag mga baboy.
Napatay ang lima ka mga pasahero magluwas sa driver nga ginabulong karun sa Negros Oriental Provincial Hospital kag gin butang sa na sa arrested status.
