Nakaabot na sa Pilipinas ang 61 ka Overseas Filipino Workers (OFWs) nga stranded gikan sa Dubai, United Arab Emirates, kahapon sa Ninoy Aquino International Airport (NAIA) Terminal 3, suno sa Department of Migarant Workers.
Suno sa DMW, sakay ang mga repatriated OFWs sang Emirates flight EK334 kag nalakip sa mga nag-abot amo ang tatlo ka menor de edad.
Suno diri, gilayon nga gintagaan bulig pinansyal kag transportasyon ang mga nagpuli agud makabalik sila sa ila tagsa ka mga probinsya.
Ginpahayag sang DMW nga nagtalana ang gobyerno sang temporaryo nga matiniran, lakip na ang psychosocial kag bulig medikal para sa mga repatriate.
Madumduman nga nakapauli naman ang 81 ka stranded OFWs sang tinalikdan nga Sabado naggikan sa Middle East sa tunga sang nagapadayon nga tensyon sa rehiyon.
Padayon man ang pagpakig-angot sang gobyerno sa mga Pilipino sa mag pungsod nga apektado sang gyera agud masiguro nga yara sila sa maayo nga kahimtangan kag mabuligan ang mga luyag magpauli sa Pilipinas.
