May identity na ang mga nagtaliwan nga mga napatay sa nagluntad nga engkwentro sa tunga sang remnants sang New People’s Army kag 15th Infantry Battalion, 11th Infantry Battalion kag 47th Infantry Batallion sang Philippine Army sa Sitio Candiacap, Purok Maghirupay, Barangay Tapi, Kabankalan City, Negros Occidental kaina sang kaagahon.
Sa interview sang Bombo Radyo Bacolod kay Brig. Gen. Joey Escanillas, commander sang 302nd Infantry Brigade sang Philippine Army, ang mga napatay ang ginkilala nga sanday Reniel Cellon alyas ALDIE/ KUMPOL – Commanding Officer NPA, 6th District Neg Occ kag asawa sini nga si Mary Jane Maquilat alyas CHIN CHIN/ SHONIE – pinuno sang CPP sa 6th District; Charity Amacan alyas NELMA/ NANAY – pinuno sang CPP sa 2nd kag 3rd districts Neg Oriental; John Isidor Supelanas alyas DHALIA – Political Instructor sang 6th district; Johnrey Mejares alyas JAI – political instructor, 2nd kag 3rd districts, Neg Oriental; Glenda Tinio Mejares – Medics, 2nd kag 3rd district Neg Occ kag alyas PITONG – NPA member, 65h district.
Una na nga ginpahayag sini nga nakabaton sila sang impormasyon nga may yara sang presensya sang armado nga grupo sa area.
Suno diri, apat ka serye sang engkwentro.
Narecover sa lugar ang M16 rifle kag granada.
Sa karun yara na sa punerarya ang pito nga bangkay sang New People’s Army nga napatay sa engkwentro.
