Nagpasalig ang Bacolod City Police Office (BCPO) nga maga-kooperar sila sa tuigan nga Dugong Bombo sang Bombo Radyo Philippines sa maabot nga Nobyembre 16.
Sa interview sang Bombo Radyo Bacolod kay Police Lt. Col. Ariel Pico, spokesperson sang BCPO, ginpahayag sini nga nagmando na si BCPO director Col. Henry Biñas nga magapadala sang tag-duha ka mga police personnel ang napulo ka mga police station sa ciudad sang Bacolod bilang blood donors.
Magluwas diri, posible man suno kay Pico nga madugangan pa ang mga donor bangud may yara sang nag-abot nga 54 ka mga additional personnel sa BCPO kag may yara pa sang 113 ka mga field training program police trainees.
Suno sa tagpamaba sang BCPO, dako gid ang mabulig sang bloodletting project sang Bombo Radyo indi lamang sa mga nagakinahanglan sang dugo kundi pati na sa ikaayong lawas sang mga naga-donate.
