Dayon ang pagpasaka sang kaso sang pamilya sang lapsag sa Bacolod nga ginkidnap sang babayi nga tumandok sang ciudad sang Talisay sang Lunes,bisan nabalik na ini sa iya pamilya.
Sa interview sang Bombo Radyo Bacolod kay Police Major Jovil Sedel, hepe sang Police Station 1, kaso nga kidnapping ang ipasaka ni Mary Grace Goto batok kay Angelie Gonzales sang Brgy. Dos Hermanas, Talisay City.
Sa karun nakahimo na sang affidavit ang pamilya Goto agod mapasaka ang kaso batok kay Gonzales.
Sa tion nga maka-issue na ang korte sang warrant of arrest, diri na dakpon ang suspetsado.
Madumduman nga nagpangayo sang pasaylo ang magulang ni Gonzales, kadungan sang iya pagbalik sang lapsag kay Goto sang Martes sang gab-i.
Gintuad sang magulang ni Gonzales nga indi maayo ang dalagan sang paminsarun ni Angelie bangod nahulugan ini sangdamlag.
Nagpanugyan man si Sedel nga indi gid maghatag kompiyansa sa tawo, ilabi na kun bag-o lang ini nakilala.
