Naaresto na ang suspetsado sa pagluthang-patay sa barker sa sulod sang computer shop sa Purok Langis, Barangay Banago, Bacolod City sang Hunyo 17 sang gab-i.
Ginkilala ang biktima kay Bryan Garrido, residente sang Silay City apang ini ang naga-arkila sang puluy-an sa Purok Cereza, Barangay 3, ciudad sang Bacolod.
Nagahampang sang computer si Garrido sa computer shop ni Nilda De Ramos sang ini ang ginpalapitan sang suspetsado kag kag ginluthang sa ulo.
Suno kay Police Captain Armilyn Vargas, station commander sang Bacolod Police Station 3, kagab-inaaresto si Ramos Trabucon, 30-anyos, residente sang nasambit nga lugar paagi sa pagserbi sang search warrant sang Bacolod Police Station 3.
Suno kay Vargas, daan nga hiligut-anon ang motibo sang krimen.
Sa karun si Trabucon ang yara na sa kustodiya sang kapulisan kag nagapangatubang sang kaso nga murder.
