May patigayunon nga power interruption sa mga areas nga sakop sa Talisay Feeders (TF1, TF2 kag TF3) sa Domingo, Setyembre 25, alas 6:00 sang aga tubtob alas 3:00 sang hapon.
Suno kay Unice Pasaylo-Castillon, chief sang member consumer integrated services division sang Central Negros Electric Cooperative Inc., ang power interruption ang bangud sa preventive maintenance sang 20MVA power transformer kag associated equipment; pag-ilis sang mga gabok na nga primary poles; kag pagpatigayon sang tree clearing activities.
Suno kay Castillon, kinahanglan nga matigayon ang tree clearing agud malikawan ang mga unscheduled power interruptions kag malikawan ang dalagko nga mga problema sa linya.
Gin-abisuhan sini ang mga member-consumer nga magcharge na sang ila mga gadgets antes ang patigayunon nga power interruption.
