Wala pa nakaimplementar sang dugang nga lima ka peso nga flag down rate ang kalabanan sa mga taxi drivers sa Negros apisar nga ini ang aprubado na.
Suno kay Mario Eusebio, presidente sang Taxi Operators of Negros Occidental (TONO), ini bangud para sa lima ka peso nga dugang sa flag down rate, may balayran pa sila nga malapit P500 kada unit kag magasto pa padulong sa Iloilo.
Suno sa iya, ang iban ang nakaproseso naman apang ang kalabanan ang wala pa.
Suno sa iya, apisar nga maayo ang byahe sang mga taxi drivers sa karun nga may Masskara Festival, ini ang ginabawi man sa asod-asod nga pagsaka sang presyo sang gatong gani nagadiskarte na lamang sila agud makasustiner.
Nagapasalamat si Eusebio sa mga nagasakay nga pasahero kag nagpahayag nga ila ginatinguhaan nga mangin maayo ang ila serbisyo.
Nagapangayo man ini sang pasaylo kun kaisa kun may mga nagapanukot sang masobra sa metro kag nagapasalamat sa mga pasahero nga nakaintindi.
