Ginpasalig sang Philippine Drug Enforcement Agency nga padayon ang kampanya batok sa illegal nga druga bisan holiday season.// Sa interview sang Bombo Radyo kay PDEA Negros Occidental head Jyxyvzckzy Escrupulo, magahatag man sila sang konsiderasyon sa mga personnel agud nga makaspend sang holiday kaupod ang ila nga pamilya.
Apang padayon nga may nakaduty sa PDEA kag padayon ang mga activities sang mga ahensya kaangay sang drug awareness lecture ukon drug buybust operation.
Nagacoordinate naman ang PDEA sa iban nga ahensya ilabi na nga ginalauman ang pagpabakasyon sang mga Negrense nga yara sa karon sa iban nga probinsya gani nagacoordinate ang mga ini sa Port authorities kaangay sang Philippine Coast Guard para sa panelling ukon paggamit sang drug sniffing dogs sa pagtsekyar sang mga bagahe sa puerto.
Aminado naman si Escrupulo nga indi tuman kadamo ang mga personnel sang PDEA diri sa Negros Occidental gani nagacoordinate sila sa iban nga partner agencies agud makatingob sang pwersa sa mga operasyon.
