Madamo na sang mga nagapadulong sa syudad sang Abu Dhabi, sa United Arab Emirates gikan sa nagkalainlain nga bahin sang pungsod agud didto magselebrar sang paskwa.
Suno kay Bombo International Correspondent Diane Manalo, nga ang Abu Dhabi ang isa ka open city kun sa diin madamo naman sang mga nagapuyo nga Christians.
Bangud sini, makita man ang pagselebrar sang paskwa kaangay sang mga ginatukod nga Christmas trees kag makit-an ang mga Christmas lights.
Suno pa diri, bisan mga lain nga lahi ang masami man nga nagatamyaw sa ila sang Merry Christmas.
Dugang pa sini nga may ara man sang mga Arabo nga Christians kag ang mga misa ang ginapatigayon sa Arabic ukon English language.
Suno pa diri nga ang Simbang Gabi sa Abu Dhabi ang maga-umpisa sa Desyembre 15 tubtob na sa Desyembre 24 sa tungang-gab-i.
Sa karun, suno kay Manalo, amat-amat naman nga nagagutok ang Abu Dhabi kag Dubai bangud madamo sang mga nagapadulong sa nasambit nga mga syudad agud didto magsaulog sang paskwa.
Ini bangod sa masadya nga selebrasyon sa lugar kag may ara man sang mga fireworks.
Sa pihak nga bahin, ginpahayag ni Manalo nga kahapon sila ang nagpatigayon man sang Christmas Party ang mga Filipino sa Abu Dhabi nga karun lang liwat napatigayon matapos ang duha ka tuig nga pagpanghalit sang pandemic.
Ang mga partisipante ang nagsuksok naman sang panapton sa tema nga 70s kag may ginpatigayon man nga change gift.
Apisar nga kaupod ang iban pa nga mga Pilipino, aminado si Manalo nga tumandok sa syudad sang Bago, Negros Occidental nga lain gihapon ang pamatyag kun kaupod ang pamilya sa paskwa.
