Ginsuguran na kahapon ang Business One-Stop-Shop registration sang Bacolod City sa fourth floor sang Ayala Malls Capitol Central.
Suno kay Stela Rose Rayos, head sang Permits and Licensing Division, kahapon ang una nga adlaw sang business and permit renewal sa Business One Stop Shop kag madamo na sila sang nabaton nga mga applications paagi sa online business registration.
Suno diri, ang iban ang nakasugod na sa first step nga “encoding” sang tuig 2022 samtang may pila naman nga amat-amat na nga nagproseso sang ila clearances.
Suno kay Rayos, sa mga magabayad in full ukon paagi sa one time payment, sila ang makaangkon sang discount.
Suno sa iya, luyag ni Mayor Alfredo Benitez nga i-extend ang Business One Stop Shop tubtob sa Pebrero 15, 2023.
Kun ikumparar sang 2021, mas mataas sang 2 percent ang numero sang mga nagproseso sang business permit sa ciudad.
Suno kay Rayos, duha ka porsyento lamang ang gin-increase sa registration bangud sang nagligad nga tuig, bag-o pa lamang nagbukas liwat ang ekonomiya kag nagaamat-amat pa lamang ang recovery.
Apisar nga manubo, ginakabig naman sini nga positibo nga senyales ang pag-increase sang numero sang mga nagproseso sang business permit sang nagligad nga tuig.
