Patay ang isa ka anay kagawad sang Brgy 3, Silay City, matapos nga madagdag sa ginasakyan nga tricycle sa Hacienda Daniel, Brgy E Lopez, ciudad sang Silay, Negros Occidental, kahapon, alas- 9:30 sang aga.
Ang driver ang ginkilala nga si Ronnie Clarion, 27 anyos, kasado kag residente sang Barangay Cabahug, Cadiz City, samtang ang backrider sini amo si Niño Golez, residente sang Sto. Niño Ville Subdivision, Barangay Mambulac, Silay City.
Sa inisyal nga imbestigasyon, ginamaneho ni Clarion ang tricycle gikan sa Barangay V padulong sa Yolanda Housing, Barangay E Lopez, samtang sakay sini si Golez.
Paglab-ot sa lugar sang insidente, nadagdag sa sementado nga dalan si Golez kag nag-agom sang severe head injury.
Ginhingagaw pa dala sa ospital si Golez apang gindeklarar nga dead on arrival.
