Ginpanginwala sang chairperson sa Committee on Finance and Appropriations sa Sangguniang Panlungsod sang ciudad sang Bacolod nga may dugang nga P2.1 billion nga utang ang ciudad sa pagtukod sang centralized Command Center Project.
Sa build-transfer and maintain agreement kaupod ang High Data Infra Corporation nalakip ang pagtalana sang P2.1 billion nga pondo para sa digital infrastructure nga pag-install sang kapin sa 150 ka mga CCTVs kag intelligent lamp poles.
Suno kay Councilor Thaddeus “Thaddy” Sayson, wala sang kamatuoran nga may dugang nga utang ang ciudad bangod nasulod sa Private Public Partnership ang proyekto.
Bangod sini mabayad sang P200 million ang ciudad kada tuig sa sulod sang napulo ka tuig para sa serbisyo nga ihatag paagi sa PPP.
Ang Centralized Command Center Project ang makapahapos sa tansaksyon sa gobyerno paagi sa digitalization kag comprehensive Geographic Information System.
