Liwat nga ginremind sang Bacolod Traffic Authority Office ang mga drivers sang modernized jeepneys nga likawan ang pagbukas sang pwertahan basta wala naka-fully stop ang salakyan.
Ini kasunod sa pagkahulog sang konduktor nga si Reynan Bantilan sa nagadalagan nga modernized jeepney matapos nga nagsandig sa pwertahan nga wala sini nanotisyaran nga nakabukas.
Sa interview sang Bombo Radyo Bacolod kay BTAO deputy head Jose Antonio “Jojo” Robello, pwede madakop ang driver nga nagabukas sang pwertahan samtang nagadalagan pa ang salakyan.
Suno diri, dapat man nga butangan sang singage ang pwertahan nga ‘Do not lean on the door’.
Para kay Robello yara sa drayber ang responsibilidad bangod siya ang nagakontrolar sang manibela, gasolinador, preno kag pagbukas sang pwertahan.
