Patigayunon subong nga adlaw ang Negros Island Region- Regional Joint Security Command Center sa probinsya sang Negros Oriental.
Suno kay COMELEC NIR Director Atty. Lionel Marco Castillano, sa RJSCC iplastar ang security plan para sa safety sang probinsya sang Negros Occidental, Negros Oriental kag Siquijor para sa eleksyon.
Suno diri, may yara sang ginpadala nga listahan sa national office sa mga ginakabig nga areas of concern.
Sa Negros Occidental may isa lang nga nasulod sa orange category nga amo ang banwa sang Candoni samtang ang iban ang yara na sa green category.
Sa Siquijor naman, tanan nga area ang yara sa green category samtang ang Negros Oriental ang may duha ka area nga red category nga amo ang banwa sang La Libertad kag ciudad sang Guihulngan kag isa sa orange category nga amo ang banwa sang Basay.
Apang suno kay Castillano, mahimo pa nga magbag-o ang category, posible nga may yara sang madowngrade ukon may yara man sang malakip sa areas of concern.
Wala naman sang may namonitor nga armado nga grupo sa Negros Occidental apang may yara sang may namonitor sa Negros Oriental.
