Ang kapalaran naton sa kabuhi ang indi natun mapaktan kaangay lamang sang babayi sa Thailand nga isa ka street sweeper nga nangin modelo.
Ini matapos nga masiplatan sang isa ka Russian photographer nangin instant model ang isa ka lamharon nga babayi nga isa ka street sweeper kag karon naga-enjoy sa iya bag-o nga career nga modelling kun sa diin nagaserbe siya nga model sang nagkalain-lain nga brands.
Nag-umpisa ang pinasahi nga istorya sang street sweeper nga si Noppajit Somboonsate sang nakaligad nga bulan sang siya ang nasiplatan sang Russian photographer nga si Semyon Rezchikov.
Ginpahayag nga nagapanilhig sa dalan si Somboonsate sang makita siya ni Rezchikov kag nagwapahan siya gani ginkuhaan sang litrato halin sa malayo.
Ginpalapitan siya sang photographer kag ginpakita ang matahom niya nga litrato kag gin-engganyo siya nga kuhaan sang video samtang nagahimo sang iya trabaho.
Gin-post ni Rezchikov sa Tiktok ang video sang street sweeper kon sa diin nangin viral ini kag madamo ang nagdayaw sa natural sini nga katahum.
Bangud sini madamo na ang nag-approach sa iya agud himuon nga modelo sang nagkalain nga brands.
Sa karon, wala na ini nagapanilhig sa dalan kundi masako na ini sa iya modelling carreer.
