Kapin sa apat ka kilo sang suspected shabu ang nakumpiskar sa 50 anyos nga lalaki sa Purok 6, Brgy. Maslog, Sibulan, Negros Oriental, sang Miyerkules, alas- 6:04 sang aga.
Ang suspek ang ginkilala nga si Elgin Rodriguez ginakabig nga High Value Individual kag residente sang Barangay II, Bais City, Negros Oriental.
Sa interview sang Bombo Radyo Bacolod kay Police Lt Stephen Polinar, spokesperson sang Negros Oriental Police Provincial Office, nakumpiskar ang kapin sa apat ka kilo sang suspected shabu kay Rodriguez nga ginabanta nagabalor sang P27,200,000.
Suno diri, nagpahayag ang suspek nga may nagtawag lang sa iya kag ginhambalan nga may kuhaon nga item.
Wala man ini nakahibalo kun diin halin ang illegal nga druga kag tubtob san-o sini tagoon antes kuhaon sa iya.
Pahayag ni Polinar, ang duha ka tuig na ini nga nagapungko bilang tagpamaba sang NORPPO, kag sa karun pa lamang ini nakakumpiskar sang kapin apat ka kilo sang suspected shabu.
