Ginpasiguro sang pamunuan sang Negros Electric and Power Corporation nga wala sila sang scheduled power interruption tubtob sa Easter Sunday.
Sa interview sang Bombo Radyo Bacolod kay Engr. Leomel Tambanillo, Assistant Vice President for Planning and Business Operations, wala sang scheduled brown-out sa adlaw sang pagpamalandong.
Suno kay Tambanillo, mahimo nga iresume nila ang mga rehabilitation activities sa madason nga semana kun matapos na ang Semana Santa.
Suno diri, routine na kada tuig nga naganubo ang demand sang kuryente kun Semana Santa kag sa Fiesta Minatay sa bulan sang Nobyembre bangud ang mga pumuluyo ang nagagwa sa ila tagsa ka mga panimalay.
Nagpanugyan ini sa mga pumuluyo nga kun magbiya sa ila tagsa ka mga puluy-an agud nga magbakasyon kag wala sang tawo ang balay dapat i-unplug ang mga appliances kaangay sang aircon, TV kag electric fan agud nga malikawan ang mga insidente kaangay sang sunog.
