Nagpahanumdum ang Land Transportation Franchising and Regulatory Board (LTFRB) nga mag discount sa gihapon sa pletehan subong nga Semana Santa.
Sang Miyerkules, gin-abisuhan sang ahensya ang mga estudyante, persons with disability kag senior citizens nga magasakay sa pampubliko nga transportasyon nga magpangayo sang discount kag gilayon nga hambalon sa mga driver ukon konduktor kag ipakita ang ila mga valid ID bilang pamatuod.
Santo sa Republic Act No. 11314 kag 10754, may 20 porsyento nga buhin sa plete ang mga estudyante, PWD kag senior citizen apisar nga holiday, weekend ukon semestral break.
Ginpahanumdum man sang LTFRB nga ang mga operator kag indi mga driver ang dapat magsalo sa igahatag nga discount, santo sa LTFRB Memorandum Circular 2025-010.
