Preparasyon sang Police Regional Office- Negros Island Region para sa eleksyon sa Lunes, gindayaw sang COMELEC

Gindayaw sang Assistant Regional Director sang Commission on Election – Negros Island Region ang preparasyon sang Policre Regional Office- Negros Island Region para sa eleksyon sa Lunes.

Sa interview sang Bombo Radyo kay Atty Jossil Macute, nagbisita ini sa Regional Election Monitoring Action Center (REMAC) kaupod ang commander sang 3rd Infantry (Spearhead) Division nga si Brigadier General Michae Samson.

Suno diri, nakita sini ang full capacity sang REMAC kag gindayaw ang tanan nga preparasyon sang kapulisan.

Isa sa ginpreparar amo ang on time surveillance sa mga areas nga may internet connection.