Opisyal na nga nagbukas ang Palarong Pambansa 2025 kagab-i nga ginpatigayon sa Laoag, Ilocos Norte.
Sa mensahe ni president Ferdinand ‘Bongbong’ Marcos Jr, natapos na ang pila ka bulan nga pagpreparar sang mga atleta para ipakita ang ila kabakod.
Suno diri, ang oras nga para ipahuway na lang gid kun tani, ang ginhatag pa sang mga atleta para sa ila training kag kun kaisa kulang pa sa mga gamit kag panggastos.
Gindayaw man sang presidente ang kabakod kag dedikasyon sang mga atleta kag para sa iya ginakilala na sini ang tanan bilang kampyonato.
Nagalaum man si Marcos nga mangin ehemplo ang mga ini sa iban nga kabataan nga Pilipino nga may paglaum kag determinasyon.
Nagapati man ang presidente nga sa karun nga palaro, dako ang posibilidad nga may yara sang mangin masunod nga representante sang Pilipinas para sa ASEAN games kag Olympics.
Nagpasalig naman ini nga yara ang gobyerno para magsuporta kag ang kadalag-an sang atleta, ang kadalag-an man nila.
Pahayag ni Marcos, indi mag-untat sa pagtinguha bangod ang tawo nga nagabato, wala nagakapierde.
