Madamo sang mga babayi ang nanamian nga makakita sang mga mahamot kag gwapo nga mga lalaki apang ano gid bala ang imo himuon agud ikaw ang mapalibutan sang mga lalaki nga mahamot kag maambong?
Sa southern China, nagabayad ang mga babayi sang 99 yuan ukon halos P800 sa sulod sang isa ka oras agud lang nga maka-relax upod sa fit kag mga gwapo nga lalaki nga nagatanyag sa ila sang luxury car rides pagkatapos sang trabaho.
Suno sa mainland media outlet nga Vista Hydrogen Business, ang bag-o nga trend nga ginatawag nga “city ride” ang gina-practice na sa mga ciudad kaangay sang Shanghai, Hangzhou, kag Xiamen.
Ang serbisyo ang naga-feature sang ginatawag nga “man bodhisattvas.”
Kalabanan sa ila ang estudyante sang unibersidad nga nagagamit sang malahalon nga salakyan sang ila pamilya sa ila libre nga tyempo agud nga magtanyag sang rides sa mga babayi nga pasahero.
Ang mga sikat nga salakyan ang nagalakip sang Porsches, Ferraris, kag Rolls-Royces samtang ang Mercedes-Benz kag BMW ang nagaserbe bilang budget-friendly alternatives.
