Ginahitso na sang Department of Agriculture – Negros Island Region ang tikang para mapadayon ang pagbaligya sang P20 per kilo nga bugas sa rehiyon.
Suno kay Engr. Jose Albert Barrogo, OIC Regional Executive Director sang DA – NIR, sa ciudad sang Bacolod naubos na tanan baligya ang masobra sa 5,000 ka sako sang bugas nga gin-procure sang ciudad kag sa karun makig-stury pa ini kay Mayor Greg Gasataya kun ano na ang masunod nga tikang para mapadayon ini.
Sa bahin naman sang probinsya sang Negros Occidental, ginaproseso na pagdiscuss sa ini nga programa kay Governor Eugenio Jose ‘Bong’ Lacson bangod ang paglaunch sadto sang probinsya sang P20 per kilo nga bugas sa bawna sang Pulupupandan wala ginpa-agi sa DA kag inisyatibo lamang sang probinsya.
Sa probinsya sang Siquijor naumpisahan naman ang launching apang sturyahan pa kaupod si Governor Jake Vincent Villa kun paano nga tayoyon ang implementasyon sang programa.
Samtang sa probinsya naman sang Negros Oriental may yara si Barrogo sang meeting subong nga adlaw kay Governor Manuel “Chaco” Sagarbarria kun ano ang implementasyon sang P20 per kilo nga bugas sa probinsya.
Pahayag ni Barrogo, kasunod sa luyag ni President Ferdinand ‘Bongbong’ Marcos, dapat nga unahon ang vulnerable sector kag labor sector sa pag-avail sa barato nga bugas apang dapat man nga proteksyonan ang mga farmers nga nagabaligya sang humay.
