Ginpahayag sang political analyst nga dapat magsulat ang Philippine Government sa International Criminal Court nga mapahalog-halogan ang protocols nga ginapatuman kay former President Rodrigo Duterte.
Sa interview sang Bombo Radyo Bacolod kay Atty Jomax Ortiz, makahalangawa ang sitwasyon sang anay Presidente karun nga ginapahayag nga wala ini naga-inom sang bulong kag dako ang ginniwang.
Pahayag sang abogado nga 27 ang mga bulong nga regular nga ginatumar ni Duterte.
Suno diri, sa karun nga physical kag mental condition sang anay Presidente, dapat nga irelax sang ICC ang mga rules, agud indi ini matam-an kag kondisyon nga makaatubang sa una nga trial sa Setyembre 23.
Pahanumdom sini nga sa masami, ang ICC trials ang nagalawig sang minimum nga walo ka tuig.
Apang kun magpadayun ang kondisyon ni Duterte, ginakahangaw-an na Ortiz nga mahimo lima ka tuig na lamang ang malab-utan sini.
Kaangay sa ginahimo sang gobyerno sang Pilipinas nga paghatag sang abogado sa mga priso paagi sa Public Attorney’s Office, suno sa political analyst, dapat ang gobyerno ang maghatag man sang bulig kay Duterte paagi sa pagrequest sa ICC nga irelax ang protocols.
Mahimo man nga igrant ang ginapangayo nga interim release, agud ini ang makarelax bisan paano sa gwa, ukon bisan pahanugutan na lamang nga maka-upod sang anay Presidente ang iya personal nga doktor sa pasilidad.
Hinali nga mapatay si Duterte sa sulod sang ICC facility, ginakahangaw-an ni Ortiz ang pagluntad sang Global People Power.
Ini bangod sa nakita nga pagsuporta kay Duterte, kun sa diin ang mga Pilipino gikan sa nagkalainlain nga bahin sang kalibutan, ang naglupad gid padulong sa The Hague, Netherlands agud ipakita ang pagsuporta.
Samtang indi man basta-basta ang Duterte-supporters bangod si Senator Bong Go, nga isa sa pinakamalapit kay Duterte ang nagpanguna sa 2025 Senatorial Elections, kag nakasulod ang iban pa nga nagasuporta sa iya kaangay nanday Senators Camille Villar kag Rodante Marcoleta. SAMTANG…Tuman ka layo suno sa political analyst sang rules kag procedure sa International Criminal Court kag local courts sa Pilipinas.
Sa interview sang Bombo Radyo Bacolod kay Atty Jomax Ortiz, sa Pilipinas ang persona nga under investigation ang mahimo pa nga makafile sang counter affidavit kag iresolve anay sang prosecutor antes ipasaka sa local courts.
Kasunod sini amo pa ang pagpanaog sang warrant of arrest.
Apang napamatud-an sang abogado nga lain gid ang rules kag procedure sang ICC sang gindakop si former President Rodrigo Duterte, apisar nga gina-imbestigaran pa lamang.
Suno diri, wala pa sang notice nga nabatun ang anay Presidente sang ini ang gin-aresto, nga mapaanggid na sa kidnapping.
Dugang pa ni Ortiz nga sa layi sa Pilipinas, ang mga persona nga indi pa convicted sa krimen ang presumed innocent until proven guilty.
Apang si former President Duterte ang kaangay nga ginakabig na nga guilty sang ICC.
Suno pa diri, may visiting hours sa Pilipinas kag may natalana gid nga area kun sa diin sarang magpungko kag atubangay ang bisita kag inmate, kag ini ang secured man bangod yara man ang jail guards nga nagabantay, samtang ang mga abogado ang 24 hours nga sarang makabisita sa ila kliyente.
Apang sa ICC, tuman ka estrikto, kag bisan himata ang magabisita tuman ka limitado ang ginahatag nga tiyempo.
Suno diri, si Duterte ang nagapangatubang sang kaso nga Crimes Against Humanity, apang kaangay nga Crimes Against Humanity man ang ginahimo sa iya sang ICC.
