Mas nagsanyog pa ang kampanya batok sa korapsyon sa gobyerno matapos ginfile ni Department of Public Works and Highways (DPWH) Secretary Vince Dizon ang una nga batch sang mga kaso kriminal sa Office of the Ombudsman.
Target sang mga kaso ang pila ka mga opisyal sang DPWH kag mga contractor nga ginaalegar imbolbado sa maanomaliya nga flood control projects sa nagkalain-lain nga bahin sang pungsod.
Nalakip sa mga ipaidalum sa imbestigasyon ang mga empleyado sang Bulacan 1st District Engineering Office kag pasakaan sang kaso ang mga contractors kaangay sang Wawao Builders, Syms Construction Trading, kag St. Timothy Construction Corporation.
Suno kay Dizon, ang mga kaso nga ifile ang non-bailable kag may kaangtanan sa mga ghost kag substandard nga mga proyekto.
